💙 🤍 No marco do programa de Igualdade «(IN)VISIBLES: DOCE MESES, DOCE MULLERES», para conmemorar o Día das Letras Galegas, presentamos a María José Montero Núñez.

👧 Nace en Ocastro, Silleda. Dende 1976 reside no pobo de Villadepalos, El Bierzo, León.

🎭 Coma dinamizadora cultural, creou e dirixiu durante 10 anos o grupo de teatro «Vagalume» e coordinou o equipo de redacción da revista «Vagalume», de cuxa Asociación é a Presidenta.

🎥 Actuou nunha curtametraxe en colaboración coa Escola de Cinema de Ponferrada.

👩‍💼 Durante 8 anos foi concelleira do Concello de Carracedelo creando a Escola Municipal de Gaitas, entre outros moitos proxectos.

📚 É autora de 4 libros de poemas editados en castelán: “Paisaje íntimo”, “Voces que al nacer se mueren”, “Eterna marejada” e “De nuevo en el camino”. Recentemente publicou o libro de relatos curtos “Relatos y sentimientos otoñales”.

📖 En prosa escribiu «Rabuñando no recordo», libro de relatos en galego, a súa lingua materna. Tamén en galego e en poesía coa temática da infancia ten «Bolboretas e raiolas», aínda inédito e prologado por Xosé Neira Vilas, un dos escritores galegos de maior éxito e recentemente falecido.

📕 María José Montero está incluída nunha trintena de antoloxías poéticas, nacionais e internacionais. Prologou varios libros e colaborou con prensa e radio, así como con varias revistas literarias. Ten concedidos varios premios.

📗 Recentemente un dos seus microrrelatos foi seleccionado para aparecer publicado nunha Antoloxía de escritores de fala hispana.

📘 Dous poemas seus aparecen na II Antoloxía POETAS DEL MUNDO e un dos seus microrrelatos formará parte da Antoloxía «Micro terrores».

📙 Actualmente traballa nun novo libro de anécdotas divertidas que sucederon no Bierzo e na Comarca de Trasdeza, a súa terra natal da que é portavoz onde queira que vaia.

silleda #diadasletrasgalegas #17demaio #igualdade #invisibles #visibilización #literatura #mulleresescritoras